الثلاثاء، 22 مارس 2016

رسالة 40(رسائل ال مجهول)
















(40)

عارف.. نفسى نتصور كتير اوى مش بس صور فرح لا صور لاى خروجة 

فى خطوبة او وانت عندنا فى البيت بنتكلم ولا بنلعب ..

 صور يوم كتب كتابنا ولجوازنا وواحنا فى شهر العسل وكمان واحنا فى بيتنا ,, وانا بطبخ وانت بتاكل عمايل ايدى لاول مرة  واعمل برواز فى أوضتنا كبير احط فيه كل الصور دى متدبسة بدبابيس مكتب صغننة كده وازود عليها مع الوقت صور لولادنا بحيث حياتنا كلها تبقى متسجلة

العجيب بقى انى اصلا مابحبش الصور وبحس انى بطلع مش اد كده فيها بس حاسة ان صورنا هتختلف او هحبنى فيها:)

ليست هناك تعليقات: